Google Adsense 敎學

提高Adsense收入的六大秘訣

構思一個 能賺錢 的部落格或網站

以下假設大家已經有個網/blog，咁當然第一步就係去 Adsense 個網(右上角:透過Google Adsense使您的網站產生收益)，如果一去到係英文版的話，大家可以係右上角轉返繁體中文。轉了之後，大家會見到中間有制 click 入申請。

入到申請畫面，首先就填左基本資料，如網址，地址等等。收款人姓名個度大家記住要填英文全名，要同你銀行 Account 用個名一樣，因為Google出支票就係用這個名了。郵遞區號就填 N/A ，因為香港係沒有的。填完之後佢就會叫你等回覆，基本上兩三日就應該得，keep 住 Check email 吧。

好啦，兩三日後大家收到 Google email 話 OK 了，做埋核實程序，咁你就可以去返 AdSense首頁登入了。如下圖，可以 click 大來看，我係英文的，大家應該是中文的吧。入到去第一件事，不是拿 code ，而是報稅，因為美國用家係面交稅的。基本上三個問題都係答 NO 的，繼續去下一頁就只要打返你個名就得了。

下一件事都仲未係拿 Code，而係揀收款的貨幣。係 My Account->Account Setting (不好意思我用英文)下面會見到， Payment Details 旁邊有 edit 入到去佢會問你用什麼郵寄方式，基本上揀返 Standard Delivery 就可以，一來唔使另外俾錢，二來Ｄ Cheque會係新加坡寄來，都不用等太久。跟住就係貨幣，有美元同港元揀，建議大家揀港元，除非你有美元戶口，否則入美元 Cheque 都幾麻煩，同埋銀行應該會收你手續費。

而家就可以去 Adsense Setup 度拿 code 了，廣告就揀 AdSense for Content 啦，當然大家都可以用埋 AdSense for search 同 Referrals。

基本設定就係咁，如果大家無 blog/網咁點算呢，其實大家可以去 Blogger 申請個 account先，然後係個 blog 度寫返幾篇 entries，copy 新聞又得，copy 返你以前 xanga 又得 (如果有的話)，之後就好似頭先咁去 Adsense 個網度申請，因為 Blogger 係 Google 旗下的服務，所以申請成功的機會都好大。有左 Account 大家可以選擇直接用返 Blogger 來寫野，又可以自己設立網站，又或者去一Ｄ可以改網站 source 的 Blog Service Provider eg. myblog.hk。
如果大家係用 Blogger 的話，其實可以好方便咁加人 Adsense 的廣告，詳情可參閱 AdSense-TW。
想立即申請就 click 右上角 Adsense 那個 link 吧。

順帶一題，Google 已經正式取得 Adsense.com 的域名了，之前 Adsense.com 係屬於另一家公司的。大家可以睇下以前的 Adsense.com 係點。

注: Xanga, Yahoo Blog 等 BSP 應該是放不到 AdSense Ads的，我也試就就咁放Ｄ code 去 Xanga，但不成功，應該要用其他方法，不過我不懂 HTML, CSS 所以沒有辦法，不過 Adsense for Search 我之前試過是可以的，即係可以放個 search bar 去 xanga的。 香港興 Xanga ，所以順帶一提。

睇下圖，相信大家登入之後見到的第一個畫面，都會見到。咁究竟係咩意思呢？

首先係 Page Impressions 呢個係講緊Ｄ廣告總共顯示左幾多次。

Clicks 好容易明白，就係廣告被 click 的數量

Page CTR ， CTR 即係 Click Through Rate ，點擊率，即係 Click/Page Impressions

Page eCPM: 咁就要講左什麼是 CPM 先， CPM 是 Cost Per thousand iMpressions，即係個廣告每顯示一千次要幾多錢，因為Adsense 係 PPC (Pay Per Click) 的，所以 eCPM 只係提供一個指標。eCPM 計法係 iMpression*eCPM=Earning，注要當中的 iMpression 係以千計，即係如果有1000impression 就係 1，有800 impression 就係 0.8，將impression 乘eCPM 係會等於你所賺的錢的。

好啦，而家入正題。我建議大家係拿 廣告code之前設定好Ｄ顏色樣式先。大家可以去 AdSense Setup->Color Palettes 設定，Google 會預設左Ｄ樣式俾你用，但那些顏色未必適合你個 blog 的顏色的。

好啦入到去大家會見到Ｄ預設式樣，想節省時間就揀個同你個 Blog 的 Theme 較接近的，然後開始設定自己的顏色。將廣告式樣設定得較接近你的 blog 的 theme 的顏色會有助增加 CTR的。首先 Title 建議用返你的 Blog 的連結的顏色，如果你個 blog 的 link 是藍色就將 title 設為藍色啦，大家可以直接接Ｄ色黎揀比較接近的顏色，或者睇返 Blog 的 theme 的設定，將個 color code 剪貼落去。Border 同 background 建議設定為 blog 的底色；text 同 URL 就設為 blog 的內文的顏色。設定完就可以 Save 了。
這樣的設定有助將 Google Adsense 廣告溶入 blog 度，一來無咁突兀，二來又有助增加 CTR。

設好 顏色可以去拿 code 了，Product>Adsense for Content->Ad unit。 Ad unit 有得揀要 Image Ads 或者 Text Ads 又或者兩者皆可，預設係兩者皆可，用返預設就得。 之後就可以揀廣告的 Format，大家可以去呢度睇下有咩揀。揀定 Format 就可以揀顏色，揀返頭先 Save 左個個就可以，按 Continue。

第三步就係設得 Channel，Channel 係用黎俾你監察下每個 廣告 unit 的表現，或者唔同網站中的廣告的表現，大家可以為每一個廣告 unit 設一個 Channel。按 Add New Channel 就可以新增，打個容易識別的名，以如放係 sidebar 就叫個 channel 做 sidebar。按下一步就可以拿到廣告碼了。

大家緊記不要對廣告碼作任何更改，這是違規的。

大家也可以參閱Google 官方的最佳化提示 。

Update1:差點忘記跟大家講, 大家記住不要向任何人公開自己的 eCPM, 最好第一副圖的所有資料都不要公開, 因為是違規的.

Update2:大家千萬不要以任何形式叫人click 你的廣告, 隨時被 Google ban account

先講廣告格式吧，其實 Google 自己都有指引給 AdSense 用家，指出較為有效的廣告格式，分別就係336×280 大矩形、300×250 內置矩形和 160×600 寬幅摩天大廣告，除左這三個，我想正方形 (250×250)也是一個好的選擇。至於頁首廣告看板 (728×90)我就不建議大家使用，在 Adsense 出現之前的很多 CPM 廣告基本上都是這種格式的，而網站的訪客和讀者都見慣這格式的廣告了，基本上他們都「免疫了」，所以這種格式的廣告的吸引力十分低。我不是說這種格式的廣告沒有用，只是相對起其他格式，它的吸引力較低，可看看 Plenty of Fish 網站，它用頁首廣告看板 (728×90)格式，也可以為網主帶來龐大收入。